Marianne Waldvogel: Elei

Elei

Scho lang
Mit Zwang
S’isch verschide
Gschide?
Na schlimer
Scho immer
Ohni
Oder verstorbe
De wod geborge
Wärsch-
S’isch Sunntig
Hocksch da
Stuur
Licht suur
Die andere
Am wandere
Paarwis
S’isch ruuch
Kein Familieschluuch
D’Enkel i irne Wälte
Am zälte
D’Söhn
Händs suscht schön
D’Fründe
In Bünde
Keis Phon
Kein Ton
Luuter
Mischt im Computer
Keis Date
To late
Lisch verquär
Läär
Statt kose
Arthrose
Niemert zum strite
Zum chifle
Gofe
Überobe am tobe

Und
Em Nachber sin Hund
S’nervt gwaltig
Bruchsch Haltig
Chunsch druus?
Häsch en Blues
Einewäg
Nid zwäg
Und das elei
Dihei –
Es brännt
Im Momänt
He verwache
Öppis mache
Es Heck
Ad Seck - -
Schuufsch i
Schnuufsch us
Suechsch nöie Pfuus.
Elai dihei?
Und niemert seit wodurre
Sälber dänke
Ziit verschänke-
Hüt go wandere
Morn zum andere
Und im Bett
S’wett
Niemert öppis
Häsch die rue
Zue - -
Wagsch en Schritt
Ohni bucke
Ohni Chrucke
Keis Klön
Kei schiefi Tön
Bisch dihei
Elei
Wau E zfridni Frau - -

Marianne Waldvogel, 2012